Miyerkules - Nobyembre 23, 2011,Paghahari ni Kristo sa Sanlibutan (Clemente 1 / Columbano)
Miyerkules - Nobyembre 23, 2011 Paghahari ni Kristo sa Sanlibutan (Clemente 1 / Columbano) Unang Pagbasa Daniel 5: 1-28 Ang mga Sulat sa Pader 1 Minsan, si Haring Belsazar ay nagdaos ng malaking handaan para sa sanlibo niyang tagapamahala, at nakipag-inuman siya sa kanila. 2 Nang lasing na si Haring Belsazar, ipinakuha niya ang mga sisidlang ginto at pilak na sinamsam ng ama niyang si Nebucadnezar sa Templo sa Jerusalem. Ipinakuha niya ang mga ito upang inuman niya at ng mga tagapamahala ng kaharian, ng kanyang mga asawa at mga asawang lingkod. 3 Dinala naman sa bulwagang pinagdarausan ng handaan ang mga kagamitang ginto at pilak na sinamsam mula sa Templo ng Diyos sa Jerusalem, at ininuma...