priest

Juan 3, 16 Pag-ibig sa sanlibutan ng D’yos ay gayun na lamang, kanyang Anak ibinigay upang mabuhay kailanman ang nananalig na tunay.

Salmo 50, 12a. 14a D’yos ko, sa aki’y igawad loobing tunay na tapat; puso ko’y gawin mong wagas nang manauli ang galak bunga ng ‘yong pagliligtas.

Salmo 30, 5-6. 14. 15-16 Tugon: Pag-ibig mo’y walang maliw kaya’t ako’y ‘yong sagipin. O aking patnubay, ako ay iligtas. sa patibong nila at umang na bitag. Buhay ko’y nabilin sa ‘yong mga kamay, ang pagliligtas mo sa aki’y pakamtan; ikaw ang aming Diyos, na tapat ay tunay. Tugon: Pag-ibig mo’y walang maliw kaya’t ako’y ‘yong sagipin. May mga bulungan akong naririnig, mula sa kaaway sa aking paligid; sa kanilang balak ako’y nanginginig, ang binabalangkas, ako ay iligpit. Tugon: Pag-ibig mo’y walang maliw kaya’t ako’y ‘yong sagipin. Ngunit Panginoon, ang aking tiwala ay nasasaiyo, Diyos na dakila! Sa iyong kalinga, umaasa ako, laban sa kaaway ay ipagtatanggol mo; at sa umuusig na sinumang tao. Tugon: Pag-ibig mo’y walang maliw kaya’t ako’y ‘yong sagipin.

Ezekiel 18, 31 Sinabi ng Poong mahal: “Kasamaan ay layuan, kasalana’y pagsisihan; kayo ay magbagong-buhay, magbalik-loob na tunay.”

Salmo 50, 12a. 14a D’yos ko, sa aki’y igawad loobing tunay na tapat; puso ko’y gawin mong wagas nang manaulo ang galak bunga ng ‘yong pagliligtas.

Natagpuan naman ni Felipe si Natanael at sinabi nito sa kanya: “Ang tinutukoy ni Moises na nakasulat sa Batas at Mga Propeta, siya ang natagpuan namin si Jesus na anak ni Jose, na taga-Nazaret.” Sinabi sa kanya ni Natanael: “May mabuti bang galing sa Nazaret?” Sagot ni Felipe: “Halika’t tingnan mo.” Nakita ni Jesus si Natanael na palapit sa kanya at sinabi niya tungkol sa kanya: “Hayan ang tunay na Israelitang walang pagkukunwari.” Sinabi sa kanya ni Natanael: “Paano mo ako nakilala?” Sumagot sa kanya si Jesus: “Sinabi ko lang sa iyong nakita kita sa ilalim ng puno ng igos, at naniniwala ka na? Higit pa sa mga ito ang makikita mo.” At idinugtong ni Jesus: “Talagang sinasabi ko sa inyo, makikita ninyong nakabukas ang Langit at panhik-panaog sa Anak ng Tao ang mga anghel ng Diyos.”