priest

Aklat ni propeta Jeremias 11, 18-20 Ipinabatid sa akin ng Panginoon ang masamang balak laban sa akin ng mga kaaway ko. Ako’y parang maamong tupang dinadala sa patayan at hindi ko nalalamang may masamang balak pala sila sa akin. Wika nila, “Putulin natin ang puno habang malusog; patayin natin siya nang wala nang makaalaala pa sa kanya.” At dumalangin si Jeremias, “Panginoon, ikaw ay hukom na makatarungan. Nababatid mo ang isipan at damdamin ng bawat tao. Ikaw ang maghiganti sa mga taong ito; ipinauubaya ko po sa iyo ang aking gawain.”

•   16  Isinusugo ko kayo ngayon na pa­rang mga tupa sa gitna ng mga asong- gubat. Maging matalino nawa kayo gaya ng mga ahas at walang-malay na parang mga kalapati. 17  Mag-ingat sa mga tao; ibibigay nga nila kayo sa mga sang­gu­nian at hahagu­pitin kayo sa kanilang mga sinagoga. 18  Dadalhin din nila kayo sa mga pinuno at mga hari dahil sa akin, at dapat kayong mag­bigay-­patotoo sa ka­nila at sa mga pagano. •   19  Pag nilitis naman kayo, huwag mag-alala sa inyong sasabihin; sa oras na iyo’y ibibigay nga sa inyo ang inyong sasabihin. 20  Sapagkat hindi kayo ang magsasalita kundi ang Espi­ritu ng inyong Ama ang magsasalita sa pamamagitan ninyo. 21  Ipapapatay ng kapatid ang sari­ling kapatid, ng ama ang kanyang anak; at isasakdal ng mga anak ang kanilang mga magulang at ipapapatay sila. 22  Ka­mu­muhian kayo ng lahat dahil sa akin, ngunit ang mananatiling matatag hanggang wakas ang siyang mali­ligtas. •   23  Pag inusig...

Lumapit kay Jesus ang lahat ng kolektor ng buwis at mga makasalanan para makinig. Kaya nagbulung-bulungan ang mga Pariseo at mga guro ng Batas: “Tinanggap niyan ang mga makasalanan at nakikisalo sa kanila.” Kaya sinabi ni Jesus ang talinhagang ito sa kanila: “Kung may sandaang tupa ang isa sa inyo at mawala ang isa sa mga ito, hindi ba niya iiwan ang siyamnapu’t siyam sa ilang para hanapin ang nawawala hanggang matagpuan niya ito? At pag natagpuan ito’y masaya niya itong pinapasan sa balikat, at pagdating sa bahay ay tatawagin niya ng mga kaibigan at mga kapitbahay at sasabihin sa kanila: ‘Matuwa kayong kasama ko sapagkat natagpuan ko na ang nawawala kong tupa.’ Sinasabi ko sa inyo: magkakaroon din ng higit na kagalakan sa langit para sa isang makasalanang nagsisisi kaysa siyamnapu’t siyam na matuwid na di nangangailangan ng pagsisisi. Kung may sampung baryang pilak ang isang babae at nawala ang isa sa mga ito, hindi ba siya magsindi ng ilaw, magwawalis sa bahay at hahanaping mabuti h...

PANALANGIN PARA SA BAGONG ARSOBISPO Ama naming mapagkalinga, ikaw ang laging nangangasiwa sa iyong Simbahan bilang pangulo ng lahat ng nagaganap dito at tagapamahalang nagmamahal sa lahat ng bumubuo nito. Kalugdan mo ang iyong lingkod na si Luis Antonio na niloob mong lumingap sa iyong kawan ng may pagmamalasakit ng isang pastol na uliran. Ipagkaloob mong ang iyong lingkod ay maging matapat na tagapagturo ng dapat sampalatayanan yayamang siya ang tagapangasiwang gumaganap sa tungkulin ni Kristo bilang paring nangunguna sa pagsamba at lingkod na namamahala. Ang kanyang pagsasalita at pagiging uliran ay magpaunlad at magpabanal nawa sa sambayanan at ang kanyang pagmamalasakit ay magdulot ng iyong pagpapala. Hinihiling namin ito sa pamamagitan ni Kristong aming Panginoon. Amen. Ang panalanging ito ay pwede ring gamitin sa sino mang maging bagong arsobispo o obispo o maging sa bagong kura paroko, palitan lang ang pangalang nakalagay at ipalit ang pangalan ng bagong arsobispo, obispo o...