priest

Ito ang pangalan ng bata na katatapos ko lamang ilibing dito sa aking parokya na aking minisahan sa barrio ng Bitin ( mga 30-45 minutes drive mula sa parish Church, 12 kilometers ang layo. Si Princess Kyla ay labing apat na taong gulang, grade four student and Mababang Paaralan ng Bitin. Ang Bata ay nawala noong February 15, 2011 sa di malamang dahilan at natagpuan sa isangt ilat na di naman kalayuan sa kanyang bahay noong ika-labingpito ng kasalukuyang buwan. Natagpuan siya sa isang liblib na lugar ng ilat na walang mga mata, wasak ang mukha, may 20 saksak sa katawan, may hiwa mula sa kanyang ari hanggang sa kanyang puwet, ginahasa at wala ng buhay. Nakakangalos. Ito rin ang sabi ko kanina sa aking homiliya sa kanyang misa. Nangyayari na rin ang mga bagay na ito sa ating paligid. Noong una nababalitaan natin ang mga ganitong pangyayari ngunit wala masyadong epekto sapagkat malayo sa atin. Balita lang ika nga. Pero ngayon hindi lamang ang pamilya ang apektado ngunit ang boung sambaya...