Tugon: Poon, iyong gunitain ang pag-ibig mo sa amin.
Ang kalooban mo’y ituri, O Diyos,
ituro mo sana sa aba mong lingkod;
ayon sa matuwid, ako ay turuan
ituro mo, Poon, ang katotohanan;
Tagapagligtas ko na inaasahan.
Tugon: Poon, iyong gunitain ang pag-ibig mo sa amin.
Poon, gunitain, pag-ibig mong wagas,
at ang kabutihang noon pa’y nahayag.
Pagkat pag-ibig mo’y hindi nagmamaliw,
ako sana, Poon, ay alalahanin!
Tugon: Poon, iyong gunitain ang pag-ibig mo sa amin.
Mabuti ang Poon at makatarungan,
sa mga salari’y guro at patnubay;
sa mababang-loob siya yaong gabay,
at nagtuturo ng kanyang kalooban.
Tugon: Poon, iyong gunitain ang pag-ibig mo sa amin.
Comments
Post a Comment